Вікторыя Азаранка перамагае мацнейшую тэнісітку планеты, вышэй і вышэй узнімаецца ў рэйтынгу, трапляе ў камапнію самых-самых і ставіць перад сабой новыя мэты. Расповяд пра пераможнае выступленне лепшай беларускай тэнісіткі на суперпрэстыжным турніры ў Майамі і яе новыя мэты — на eSport.by.
Вікторыя Азаранка ўпершыню ў сваёй кар'еры гуляла ў фінале турніра Прэміум-серыі, якім з'яўляецца турнір у Майамі Sony Ericsson Open. Суперніцай 19-гадовай беларускі была 10-разовая пераможца турніраў Вялікага Шлему і пяціразовая гэтага самага турніру першая ракетка свету 27-гадовая Серэна Уільямс.

Балючая згубленая перамога

Інтрыга перад гульнёй была яшчэ і ў тым, што ў гэтым сезоне беларуска мела неааданыя запазычанасці амерыканцы. Пераможнае шэсце беларускі ў гэтым годзе перарвалася ў самы непадыходзячы момант (калі, вядома, у тэнісе можна знайсці момант падыходзячы): на адкрытым чэмпіянаце Аўстраліі, на піку формы, калі Віка дэманстравала высокаякасны тэніс, кантралявала ход паедынку... Аднак тады гарачае надвор'е выклікала недамаганне. Яно, а не разгубленая ходам гульні Серэна, і адолела Вікторыю на пачатку другога сэта. І пасля пераможнага ў адну касу першага так пакідаць турнір было складаней удвая. Балючая ў псіхалагічным плане параза з няскончанымі лічбамі 6:3, 2:4... Хай и ад будучай пераможцы першага турніра Вялікага Шлему.

Тое нездароўе мела вынікам першую паразу беларускі ў сезоне. Другі раз у 2009-м годзе беларуска прайграла толькі ў паўфінале турніра ў Індыян-Уэллс на мінулым тыдні ад расіянкі Веры Званаровай. Гэта сведчыла пра тое, што форма, якую набрала беларуска, адпавядае найлепшаму ўзроўню. З балансам сустрэч 22:2 і непахісным жаданнем перамагчы падышла беларуска да свайго трэцяга фіналу ў сезоне.

Шлях Азаранкі да фіналу

11-я сеяная беларуска была вольная ў першым крузе. Потым адолела расіянак Анастасію Паўлючэнкаву 6:2, 6:2 і Анну Чакветадзэ 6:1, 6:4, мадзьярку Агнэш Шавай 6:2, 6:4, аўстралійку Саманту Стосур 6:1, 6:0. Паўфінал стаў першым трохсэтавым паедынкам на турніры для беларускі. У ім яна сустракалася з чарговай прадстаўніцай Расіі — Святланай Кузняцовай.

Пасля брэйка і 2:3 напачатку гульні чатыры геймы былі Вікторыяй выйграны запар. Кузняцова змагла аднавіць раўнавагу, тройчы выйграўшы падачу беларускі і аддаўшы толькі адну ў другім сэце. У вырашальным Азаранка мела матч-пойнт пры ліку 5:4, але Кузняцова выратавала спачатку мяч на падачы суперніцы, а потым і гейм, дзякуючы двайной памылцы Вікі. 5:5 — і вельмі складаная сітуацыя: трэба ізноў распачынаць усё спачатку. Але беларуска не дазволіла сабе жаночых слабасцяў, у двух запар геймах была мацней і даказала, што яна на сённяшні дзень — прадстаўнік эліты сусветнага жаночага тэніса.

2 гадзіны 40 хвілін, 6:3, 2:6, 7:5, 7-ая перамога ў кар'еры над тэнісісткай з топ-10, другая ў сезоне (першая — над яшчэ адной расіянкай Дынарай Сафінай на мінулым тыдні ў чвэрцьфінале Індыян-Уэлс) і ў выніку — першы фінал такога калібру!

— Гэта сапраўды цудоўна адчуванне — ведаць, што ўсё над чым я працавала, прыносіць свой плён, — казала Азаранка пасля перамогі над Кузнецовай. — Я проста спрабавала гуляць кожны мяч ад пачатку і да канца. Другі сэт не атрымаўся так добра, але я чаплялася і проста працягвала змагацца за кожны мяч, не звяртаючы ўвагу ні на што іншае.

Новая мэта — першая ракетка

Зараз — пасля другога нумару сусветнага рэйтынгу Сафінай, пераможанай на мінулым тыдні, на чарзе былі першая сеяная, малодшая з сястрычак Уільямс.

Добавить комментарий